O arquitecto e profesor da ETSAC, Jesús Conde García ven de resultar gañador do premio de Arquitectura ‘Juana de Vega’ 2012 polo seu proxecto para a rehabilitación da vivenda situada no número 6 da rúa Bonaval, en Santiago de Compostela.
Os accésit foron concedidos á casa situada no centro de Perillo, en Oleiros (A Coruña), do arquitecto e docente na ETSAC, Emilio Rodríguez Blanco e para o conxunto de dúas vivendas unifamiliares situadas en Redes (Ares), do estudio Díaz y Díaz Arquitectos.
Estes galardons distinguen a mellor vivenda unifamiliar, tanto de nova planta como de rehabilitación, rematada en Galicia o ano pasado.
Da obra gañadora, o xuri destacou que é un exemplo de integración do deseño contemporáneo nun casco histórico.
O presidente da Fundación ‘Juana de Vega’, Enrique Sáez, recordou na entrega dos premios que este certame resposta ao obxectivo de destacar, divulgar e poñer en valor a boa arquitectura que se fai en Galicia.
