Política de calidade

Política de calidade e obxectivos estratéxicos

Introducción

A Escola Técnica Superior de Arquitectura da Coruña foi creada no ano 1973 co fin do despegamento económico e social de Galicia. Na actualidade, a ETSAC é un centro de referencia na Universidade da Coruña. Como parte integrante dela alíñase coa planificación estratéxica desta Universidade, concretamente a través do documento do Plan Estratéxico da UDC 2022-2026.

Este marco conforma a estratexia xeral en materia de calidade e que ten a súa incorporación de forma transversal tanto na misión, visión e valores como nos obxectivos estratéxicos definidos: investigación e transferencia, financiamento e uso eficiente dos recursos, internacionalización, responsabilidade social e sustentabilidade, aínda que principalmente en docencia e aprendizaxe. Neste ámbito concretamente defínese o obxectivo estratéxico 2 acerca de impulsar e fortalecer a calidade nos procesos de ensino e aprendizaxe. Aúna, como se deduce, o Obxectivo de Desenvolvemento Sostible ODS 4, que se define como unha educación de calidade.

 

Política de calidade

A política de calidade da ETSAC parte de fomentar unha cultura de calidade. Concretamente, enfócase en fomentar a excelencia académica, a mellora continua dos procesos educativos e administrativos, a investigación e a transferencia de coñecemento. Todo iso desenvólvese baixo os principios de transparencia, promovendo unha formación integral, inclusiva e de responsabilidade social, orientada ao benestar da nosa comunidade universitaria e en aliñación cos estándares nacionais e internacionais de calidade.

Como servizo público para a educación superior en materia da arquitectura e o seu patrimonio, urbanismo, paisaxe e a ordenación do territorio manifesta o claro compromiso cara ao medio ambiente e o seu desenvolvemento social, cultural e económico de Galicia, onde se potencie a satisfacción das expectativas formativas das súas egresadas e egresados e o recoñecemento nos ámbitos académicos, profesionais e sociais nos que se integran.

Concretamente a política de calidade do centro profundará nos puntos seguintes:

  • Compromiso coa excelencia académica: Asegurar que a formación impartida cumpra con altos estándares educativos.
  • Investigación de calidade: Fomentar a xeración de coñecemento rigoroso, ético e de impacto, orientado a abordar as necesidades sociais e os desafíos contemporáneos en relación á sociedade galega.
  • Transferencia de coñecemento: Impulsar a aplicación práctica dos resultados de investigación, promovendo a innovación, a colaboración con empresas e institucións e a divulgación científica para maximizar o impacto na contorna.
  • Satisfacción da comunidade universitaria: Responder as expectativas dos estudantes, profesores e investigadores PDI e persoal PTXAS.
  • Mellora continua: Avaliar e optimizar os procesos administrativos e académicos regularmente para adaptarse ás novas demandas.
  • Sustentabilidade e responsabilidade social: Contribuír ao desenvolvemento sostible e ás demandas sociais da contorna.
  • Cumprimento normativo: Aliñar as actividades cos requisitos legais e os estándares nacionais e internacionais.
  • Transparencia e participación: Actuar con responsabilidade institucional e fomentar a participación activa de toda a comunidade universitaria na consecución destes obxectivos.

 

Obxectivos estratéxicos de calidade

Mentres non exista un Plan Estratéxico do propio centro ETSAC, seguiranse os seguintes obxectivos estratéxicos de calidade aliñados dentro do marco e que se concretan a continuación:

Docencia e aprendizaxe

  • Impulsar e fortalecer a calidade nos procesos de ensino e aprendizaxe.
  • Consolidar unha oferta formativa innovadora que responda as demandas e aos retos sociais do noso contorno.

Investigación e transferencia

  • Impulsar unha investigación de calidade que potencie a internacionalización e a multidisciplinariedade.
  • Apoiar aos grupos de investigación no desenvolvemento da súa actividade.
  • Incrementar a colaboración coas empresas da contorna e promover a transferencia de coñecemento.

Financiamiento e uso eficiente dos recursos

  • Promover a xestión eficiente, responsable e transparente dos recursos públicos no ámbito da ETSAC.
  • Xestionar os recursos do centro para que xeren o menor impacto ambiental posible, procurando a súa maior eficiencia.
  • Prestar especial atención á empregabilidade e ao emprendemento das egresados e egresados dos títulos ofertados na ETSAC.

Internacionalización

  • Promover a internacionalización da ETSAC, fomentando a mobilidade de todos os grupos de interese e promovendo a proposta de novas titulacións conxuntas.

Responsabilidade social e sustentabilidade

  • Fomentar a cultura da non discriminación e a igualdade de oportunidades entre todos os grupos de interese da ETSAC.
  • Asegurar que a política de calidade é entendida e aceptada por todos os grupos de interese e que se atope ao dispor de todos eles.
  • Garantir que o Sistema de Garantía de Calidade mantense efectivo e que é controlado e revisado de forma periódica.

Para levar a cabo estes obxectivos estratéxicos, a Comisión de Calidade (CC) elaborará un plan anual no que se definirán os obxectivos operativos en materia da calidade seguindo o indicado no manual do Sistema de Garantía Interno de Calidade da Escola Técnica Superior de Arquitectura da Universidade da Coruña, concretamente no D01-P01 Política e obxectivos de calidade. Iranse avaliando e adaptando nos anos sucesivos, entrando así na dinámica da mellora continua.

Este é un documento público que se difunde a través da web institucional da ETSAC.

Aprobado na reunión ordinaria da Xunta de Escola, n.º 266, celebrada o 18 de decembro de 2024.