Chamada a participantes para a sexta edición do Joint Graduate Design Project entre HIT, IMUT e UDC, concretamente entre as escolas de arquitectura de Harbin e Hohhot (China) e a ETSAC (Galicia-España).
O Joint 2019 celebrarase na Coruña e na China en dúas fases entre febreiro (A Coruña) e xuño de 2019 (Hohhot).
Esta convocatoria está dirixida ao alumnado da UDC de Proxectos de quinto curso (segundo semestre) da ETSAC. Os profesores Jesús Irisarri e Emilio Rodríguez serán os titores académicos deste grupo, pertencente ao programa ETSAC in English, durante o segundo semestre de 2019.
O alumnado será baremado segundo o seu expediente académico na UDC co obxecto de seleccionar un grupo máximo de 10 a 15 estudantes.
Presentación de solicitudes na secretaría de dirección da Escola (Sofía / María, ext. 5018), exclusivamente en horario de mañá, ata o venres 11 de xaneiro de 2019, ás 14:30h.
