Empty Coruña é un proxecto de investigación e sistematización dos efectos da crise financieira de 2008 sobre o corpo construío da área urbana da Coruña. Neste momento trabállase sobre un parque de 2000 elementos identificados nesa área, formado por edificios abandonados, outros nunca usados, obras en execución esquecidas ou terreos urbanizados que nunca foron edificados.
Co convenio asinado polo reitor da UDC, Xulio Abalde, e polo alcalde da Coruña, Xulio Ferreiro, este seis de setembro en María Pita garántese a realización de próximas actividades de difusión dos resultados alcanzados así como o desenvolvemento de accións de consulta cidadá.
No proxecto participa profesorado e alumnado voluntario da ETSAC e dos centros de Camiños, Arquitectura Técnica, Economía, Socioloxía e Dereito da UDC, do Grupo de Estudos Territoriais e dos investigadores da ETH de Zurich Scott Lloyd e Hans Christian Ruffer. Está dirixido polo profesor da ETSAC Plácido Lizancos e coordinado por Estefanía Calo e Sonia R. Beltran.
Máis información:
