Chamada a participantes para a quinta edición do Joint Graduate Design Project entre HIT, IMUT e UDC, concretamente entre as escolas de arquitectura de Harbin e Hohhot (China) e a ETSAC (Galicia-España).
O Joint 2018 celebrarase na China e na Coruña en dúas fases entre marzo e xuño de 2018.
Esta convocatoria está dirixida a todos os alumnos UDC de Proxectos de quinto curso (segundo semestre) da ETSAC. Os profesores Jesús Irisarri e Emilio Rodríguez serán os titores académicos deste grupo, pertencente ao programa ETSAC in English, durante o segundo semestre de 2018.
Os alumnos serán baremados segundo o seu expediente académico na UDC co obxecto de seleccionar un grupo máximo de 10 a 15 estudantes.
Presentación de solicitudes na dirección da Escola (Carmen) do 02 ao 11 de xaneiro de 2018, exclusivamente en horario de mañá. Data límite: 11 de xaneiro 2018, ás 14:00h
