A Delegación da Coruña do Colexio Oficial de Arquitectos de Galicia acolle un ciclo de visións críticas desde disciplinas expresivas transversais ás xentes, os espazos e os lugares. Realizarase un percorrido en torno á individualidade, á savia común que nos reúne, e ao xeito de abordar o sentido do espazo público desde profesións transversais a lugares e individuos. Desde unha mensaxe crítica, pero extensible a un ámeto extra-arquitectónico onde os convidados aportarán exemplos ou textos da súa propia resposta espacial ou temporal, sensible a ese aspecto.
O ciclo, de balde, vaise desenvolver durante os meses de abril e maio. As xornadas inaugúranse o vindeiro martes 12 ás 20.00 hs.
Lugar: Sala de Cultura do COAG A Coruña. Rúa Federico Tapia 62, A Coruña.
-INAUGURACIÓN: martes 12 de Abril ás 20.00 hs.
Álvaro Domingues (xeógrafo, Oporto).
-19 de Abril: Paisaxe Transversal.
(urbanismo colaborativo, Madrid).
-26 de Abril: Pepe Galán
(escultor, A Coruña)
-3 de maio: Miguelanxo Prado
(ilustrador/debuxante, A Coruña)
-10 de maio: Ábalo/Alonso
(arquitectos, Santiago de Compostela)
-24 de maio: Xornada de clausura cunha mesa redonda.