O pasado xoves o alumnado e profesorado da materia Proxectos 3 realizou un obradoiro impartido polo coreógrafo Javier Martín no Teatro Colón.
A través deste seminario interesa descubrir e optimizar as ferramentas perceptivas, simbólicas e políticas que potencian os procesos creativos de cada quen, acercándonos ao corpo e ás artes do movemento desde varias ópticas -anatómicas, poéticas, místicas, sociais, folclóricas e de vangarda, psicolóxicas,…- poñendo a proba as crencias de todos e conectándonos co orixinal que hai en nós.
