O venres 16 de Marzo ás 19h30 no Centro Cívico de Montealto terá lugar unha mesa redonda organizada polo Instituto de Estudos Políticos e Socias na que se falará sobre o futuro do edificio do vello cárcere provincial da Coruña.
Nesta palestra participarán alén da Plataforma Proxecto Cárcere, a Asamblea Popular do Bairro de Montealto, o Colexio de Arquitectxs de Galicia, o escritor Manolo Rivas e o arquitecto Emilio Argiz.
O cárcere é sen dúbida un edificio que suscita interés entre diversos sectores da sociedade da Coruña e será esta unha moi boa oportunidade de compartir ideas e proxectos que respondan ás inquedanzas sociais e culturais para manter e darlle uso ao que é indiscutibelmente patrimonio da nosa cidade.
