No día de onte, 15 de decembro, un grupo de alumnos de bacharelato do colexio Maristas Cristo Rei da Coruña visitou as instalacións da ETSAC, acompañados polo seu profesor de debuxo e exalumno da Escola, José Carlos Sánchez Prieto.
É esta a primeira das numerosas visitas programadas para o presente curso 2014-15 e que teñen como obxectivo divulgar a cultura arquitectónica e dar a coñecer a ETSAC entre os seus potenciais alumnos.
En colaboración co SAPE da UDC, numerosos centros visitarán a nosa Escola durante 2015.
