Seminario-obradoiro en Armenia entre a NUACA e a ETSAC

 

Entre os días 15 e 21 de abril de 2019, sete alumnos e dous profesores da materia Proxectos 5 de terceiro curso da ETSAC veñen de participar no Seminario e Obradoiro “New Life for Forgotten Heritage. Urban program for refugees at Yerevan’s riverside division”. Este seminario internacional, que se desenvolveu na National University of Architecture and Construction of Armenia (NUACA), englóbase no marco das actividades do Programa Competitivo Erasmus + 2018-2020: Iacobus + Cultura, Patrimonio e Integración, vinculado á U.I. pARQc “Paisaxe, arquitectura e cidade”, cofinanciado pola Unión Europea.

Os resultados contribuíron a fortalecer un vínculo académico que se iniciou hai xa seis anos, co obxectivo de promover a mobilidade e o intercambio de coñecementos en torno á arquitectura, o patrimonio e a situación das persoas refuxiadas e desprazadas.

Máis información: https://nuaca.am/archives/news/trilateral-working-week-was-summed-up-with-the-grand-prix?lang=en