Con relatoras convidadas (keynote speakers) de toda Europa, con asociacións de defensa dos mercados de abastos e coa asistencia técnica da FAO.
“Nun escenario de crise ecosocial, e ás portas dunha preocupante crise alimentaria a nivel global, resulta prioritario, e urxente, reforzar o papel dos mercados de abastos municipais”.
Chamada a resumos: data límite 25/11/2026
Chamada a todos os investigadores/as, técnicos/as da administración pública ou persoas con responsabilidades públicas, que traballen, ou tomen decisións, sobre os sistemas alimentarios locais e, en particular, sobre os mercados de abastos para presentar resumos ou para a asistencia presencial.
Áreas temáticas:
1- Modelo e gobernanza dos mercados de abastos municipais.
2- Barreiras e facilitadores para o bo funcionamento dos mercados de abastos e dos sistemas alimentarios locais.
3- Requirimentos espaciais e infraestruturais dos mercados de abastos e dos sistemas alimentarios locais.
4- Marcos teóricos e culturais, conceptos narrativas sobre os mercados de abastos e os sistemas alimentarios locais.