A convivencia entre a biodiversidade e o desenvolvemento humano constitúe un compromiso de futuro inapelable ante a expansión urbana e a crise climática. O Congreso Internacional de Ecoloxía Urbana e Concienciación Cidadá “Avecinas, las aves como vecinas” nace da profunda convicción de que sentirnos parte dos seres cos que convivimos é clave para avanzar cara á súa conservación.
Utilizando ás aves como un grupo conector excelente pola súa capacidade de atracción e a súa presenza cotiá, este encontro busca compartir enfoques multidisciplinares (científicos, artísticos e humanísticos) e experiencias de participación cidadá para transformar a nosa relación coa contorna: conseguindo que pasemos de considerar ás aves como simple fauna, a integralas como veciñas.