A profesora da ETSAC Patricia Muñiz participará no V Simposio Internacional A Aprendizaxe-Servizo e a Educación Superior “A reciprocidade como eixo do vínculo universidade e comunidade”, organizado polo Grupo de Investigación Esculca no marco do Proxecto “O impacto da universidade na comunidade a través dos proxectos de Aprendizaxe-Servizo. Un estudo centrado na reciprocidade (ApS(C)) do Plan Nacional”.
O simposio celebrarase en Santiago de Compostela o 25 de xuño de 2026. Patricia Muñiz participará na mesa Ciencias / Enxeñría e Arquitectura coa ponencia “Investigación multidisciplinar en tecnoloxía de vivenda prefabricada progresiva con bioconstrución”.