O arquitecto e profesor xubilado da ETSAC, Celestino García Braña, recibiu onte en Santiago de Compostela o galardón dos “Premios á Excelencia e Compromiso Profesional 2026”, outorgado pola Unión Profesional de Galicia a proposta do Colexio Oficial de Arquitectos de Galicia (COAG).
Ao acto de entrega asistiu o decano do COAG, Luciano Alfaya, xunto con outros representantes colexiais autonómicos e da delegación pontevedresa. García Braña, nacido en Asturias en 1945 e colexiado desde 1972, desenvolveu a súa actividade profesional, docente e institucional en Galicia.