No ámbito da Green Gap Academy, a EAAD – Escola de Arquitectura, Arte e Deseño da Universidade do Minho e Lab2PT – Laboratorio de Paisaxes, Patrimonio e Territorio promoven, o 13 de abril, a conferencia internacional: “Entre o urbano e o rural, a infraestrutura verde na Eurorrexión: Escalas e prácticas de investigación e deseño”, coa participación da profesora da ETSAC Cristina García Fontán.
Este evento, parte do proxecto europeo Green Gap (Interreg VI-A España-Portugal), xorde como unha plataforma estratéxica para a formación de técnicos da administración local, profesionais da planificación territorial e estudantes. O obxectivo central é fortalecer as habilidades no deseño de solucións baseadas na natureza e na implementación de estratexias de adaptación ao cambio climático.
