A derradeira conferencia do ciclo “Vivenda colectiva s.XX: A Revolución Social”, coordinado pola profesora Luz Paz Agras, terá lugar o vindeiro martes 10 de marzo ás 19:30 horas na Real Academia Galega de Belas Artes (Praza Pintor Álvarez de Sotomayor, 1. A Coruña). As arquitectas Miriam Moldes Montes e Noelia Vázquez Abelenda impartirán a charla titulada “As Alternativas: Elizabeth Denby en Londres e Halina Skibniewska en Varsovia” na que realizarán unha descrición sobre a obra da arquitecta inglesa Elizabeth Denby, figura clave no desenvolvemento de vivenda colectiva para a clase obreira, e da arquitecta polaca Halina Skibniewska, primeira deseñadora de vivendas independentes para persoas discapacitadas.
A entrada é libre ata completar capacidade.
