O proxecto para a rehabilitación e mellora da eficiencia enerxética da casa consistorial de Ribeira, realizado polo profesor da ETSAC Carlos Seoane, foi o gañador da décima edición do Premio da Asociación Técnica Española de Galvanización (ATEG) de Arquitectura, Enxeñería e Arte Otilio García, un certame que distingue, desde o ano 2000, o uso innovador do aceiro galvanizado en proxectos de arquitectura, enxeñería e arte de España e Portugal.
