Xa está publicado o número 12 (2025) da revista dixital AARC-Actas de Arquitectura Religiosa Contemporánea, editada polo profesor Esteban Fernández-Cobián. Nel recóllense sete intervencións que se presentaron ao 9CIARC-Congreso Internacional de Arquitectura Religiosa Contemporánea, dedicado á modernidade canónica, onde se mostran diversas obras construídas en Puerto Rico, así como a produción sacra dos arquitectos Josep Lluis Sert, MBM e José María Bosch Aymerich (España), Antonio Attolini Lack (México), Miguel Eyquem (Chile) e Antun Urlich (Croacia).
