O vindeiro martes, 3 de febreiro, ás 20 horas, terá lugar na libraría Formatos (Avenida Fernández Latorre 5, A Coruña) a presentación do libro Paisajes públicos. Plazas y parques de A Coruña 1975-2025, catálogo da exposición organizada con motivo da Semana da Arquitectura da Coruña 2025. A presentación correrá a cargo de Francisco Dinís Díaz Gallego, concelleiro de Urbanismo, Rehabilitación e Vivenda; Miguel Abelleira Doldán, director da ETSAC e Raquel Álvarez Sánchez e Antonio S. Río Vázquez, editores da publicación.
