Os proxectos gañadores do Premio TECHNAL TFM Máster Universitario en Arquitectura son Congregación mekhitarista en Viena, de Noelia Vázquez Abelenda; Coworking-Coliving-Cosocial en Pontevedra, de Carla Martínez Freire e Centro de día e vivendas compartidas en Pontevedra, de Cristian Torres García.
O xurado do concurso, conformado por Juan Ignacio Prieto López, Luis Walter Muñoz Fontenla e José Ángel Carreira Montes quixo deixar constancia da alta calidade global dos traballos e recoñecer o esforzo, a solvencia técnica e a capacidade propositiva demostrada polo conxunto do estudantado do Máster Universitario en Arquitectura.
