Nun tempo no que o territorio rural se enfronta a presións extractivas e á sobrepresións turisticas cómpre repensar o papel do turismo como ferramenta para reforzar identidades, dinamizar economías locais e protexer a paisaxe viva. A Ulloa, corazón de Galicia e espazo de memoria e produción ven desenvolvendo un turismo con sentido, baseado na sustentabilidade, na participación comunitaria e na valorización do patrimonio cultural e natural. Este seminario abre un espazo de diálogo entre academia, emprendedoras e emprendedores, veciñanza e visitantes para recoñecer este modelo e imaxinar o seu provir.
Esta actividade de análise territorial na Ulloa, que inclúe o desprazamento en autobús desde o campus, é gratis para calquera persoa da comunidade universitaria de arquitectura, turismo e socioloxía.
Desenvolverase o proximo venres 3 de outubro e o prazo de matrícula (prazas limitadas a 50) conclúe este martes 30.
