O CITEEC acolle os días 23, 24 e 25 de setembro de 2025 o IV International Meeting “Strategies for Mitigating Climate and Conflicts Induced Threats and Risks”, organizado polo Grupo de Investigación Persoa-Ambiente (UDC) e a IAPS Sustainability Network.
O encontro reunirá a investigadoras e investigadores internacionais para debater sobre os desafíos ambientais e sociais máis urxentes —desde a saúde e as solucións baseadas na natureza ata o territorio, o patrimonio e o cambio climático— co obxectivo de xerar estratexias de mitigación e resiliencia.
O programa está aberto a toda a comunidade universitaria, que poderá asistir no CITEEC (Campus de Elviña) ou conectarse en liña a través desta ligazón Zoom.
