O Museo de Belas Artes da Coruña anuncia a ampliación do período expositivo da mostra “Arquitecturas que falan do seu tempo” ata o vindeiro 27 de abril de 2025.
A exposición inaugurouse o pasado 6 de novembro de 2024 cunha data prevista de finalización do 23 de febreiro de 2025, mais debido ao éxito e á boa acollida por parte do público visitante, con máis de 13.000 visitantes ata o momento, a dirección do Museo de Belas Artes da Coruña acordou prorrogar a mostra dous meses máis, polo que permanecerá aberta ao público ata o próximo 27 de abril de 2025.
Así mesmo, o Museo de Belas Artes da Coruña continuará a ofrecer as visitas guiadas para o público en xeral que teñen lugar os sábados ás 18:00 horas. A derradeira das visitas será o sábado 26 de abril de 2025.
