O Colexio Oficial de Arquitectos de Galicia e a súa Delegación de Santiago organizan o ciclo de conferencias denominado “Territorios Análogos”. Este ciclo, que conta con especialistas en urbanismo e ordenación do territorio, permitirá coñecer diferentes experiencias levadas a cabo fóra de Galicia, e que poderían gardar certa analoxía coa nosa realidade territorial.
A vindeira conferencia terá lugar o martes 18 de febreiro, ás 19:00 horas, a cargo de Agustín Hernández Aja, titulada Urbanismo, cidadanía e participación, e abrirase cunha pequena lembranza á figura de Jose Fariña Tojo, recentemente falecido.
Agustín Hernández Aja é Catedrático emérito contratado da UPM, Delegado do Reitor para Urbanismo, solo e edificación sostible. Dirixiu 27 teses de doutoramento. Responsable dos doutorados “Desenvolvemento Urbano Sostible” en Chile e do doutoramento “Periferias, Sostibilidade e Vitalidade Urbana”. Editor de varios documentos de planeamento municipal xeral e de desenvolvemento) en varias comunidades autónomas. Director dos Catálogos de Barrios Vulnerables de España 1991, 2001, 2012 e 2021 en representación do Goberno de España. Dirixiu varios proxectos de investigación do Plan Nacional de Investigación en I+D+i sobre vulnerabilidade, sustentabilidade e resiliencia urbana.
