O mércores 4 de decembro, ás 18:30 horas, na Delegación da Coruña do Colexio Oficial de Arquitectos de Galicia, terá lugar un acto de homenaxe ao arquitecto e profesor da ETSAC Andrés Fernández-Albalat Lois (1924-2019) co gallo do centenario do seu nacemento.
Neste acto, froito da iniciativa da Real Academia Galega, e que vén celebrar a pegada cultural, profesional e persoal deste mestre da arquitectura galega, participarán:
- Víctor Fernández Freixanes, Presidente da Real Academia Galega.
- Charo Fernández-Albalat Ruíz, Xefa do Servizo de Patrimonio da Xunta de Galicia e filla do homenaxeado.
- Andrés Fernández-Albalat Ruíz, Profesor no Departamento de Proxectos Arquitectónicos e Urbanismo da UDC e fillo do homenaxeado.
- César Portela Jardón, exprofesor no Departamento de Proxectos Arquitectónicos e Urbanismo da UDC.
- Cristóbal Crespo González, Director no Departamento de Proxectos Arquitectónicos e Urbanismo da UDC.
- Myriam Soto Goluboff, exprofesora no Departamento de Proxectos Arquitectónicos e Urbanismo da UDC.
- Roberto Medín Guyatt, excolaborador de Andrés Fernández-Albalat Lois
