O xoves 28 de novembro, o Programa de Doutoramento en Arquitectura e Urbanismo organiza as III Xornadas de Investigación en Arquitectura na biblioteca da Escola. Os contidos destas xornadas están pensados para estudantes de doutoramento ou aquelas persoas interesadas en desenvolver unha tese de doutoramento no programa.
Nesta ocasión contaremos coa presencia da profesora Sonia Freire Trigo da Bartlett School of Planning, University College London (UCL), cunha ampla e acreditada experiencia investigadora.
