O vindeiro martes, 26 de novembro, ás 13 horas, o catedrático da Universidade de Sevilla José Manuel Almodóvar Melendo impartirá a conferencia “Nuevas tecnologías aplicadas al análisis ambiental del patrimonio. China versus Occidente” na aula do Grao en Paisaxe (4.III), aberta á toda a Escola.
José Manuel Almodóvar Melendo é Catedrático na E.T.S. de Arquitectura e no Grao en Estudos de Asia Oriental da Universidade de Sevilla. Leva máis de 20 anos realizando tarefas de investigación e docencia en composición arquitectónica, medio ambiente e estudos de Asia Oriental. Foi profesor convidado en diversas universidades de EE. UU. (Columbia, Berkeley, UCLA), China (Tsinghua University – Pequín, Nanjing, SHISU, Tongji University – Xangai) e Xapón (Shiga Ken Daigaku, Kobe Design University, Kanda – Tokyo). Bolseiro da Japan Foundation (Goberno de Xapón). Obtivo os títulos de Chinés, Xaponés e Portugués no Instituto de Idiomas da Universidade de Sevilla.
