Arquitectura Sen Fronteiras organiza a 2ª edición do Curso Online sobre Tecnoloxías Apropiadas, dirixido especialmente a profesionais e estudantes de arquitectura e enxeñería.
O curso explica o que son as tecnoloxías apropiadas, que de forma moi resumida son aquelas que se adaptan ao contexto no que se van a aplicar: son eficaces, viables, duradeiras (os seus efectos mantéñense no tempo) e sobre todo están aliñadas con valores positivos. Consta de tres módulos e desenvolverase de outubro a novembro (60 horas lectivas). A inscrición está aberta ata o 27 de setembro.
