O terrestre virou un actor político e a habitabilidade do planeta xa non parece estar garantida. Afeitos a tratar a Terra como un pano de fondo, a incursión do terrestre nas nosas formas de vida constitúe un desafío colectivo que remarca a nosa vulnerabilidade e, ao mesmo tempo, abre outras posibilidades de existencia terrestre. Partindo da noción do raro (Preciado, 2002; Fisher, 2016), este curso de verán da Universidade de Santiago de Compostela indagará sobre esas condicións de habitabilidade emerxente: xeografías raras.
