SITOPÍAS 02
Xornada de presentación de proxectos 08 e do grado de paisaxe na ETSAC + debate
Mercores 08/11/2023 10:00- 13:00h
Participarán no debate: Carolyn Steel, Miguel Fernández (Reserva de Biosfera Mariñas Coruñesas e Terras do Mandeo), Leonor Lorenzo Ábalo e Rocío García Carregal (Slow food Compostela), Antonio Roade (Lagar do Vento), Lucía Escrigas (Fundación RIA); ademais do profesorado e alumnado do taller do 9º cuadrimestre e do grado de Paisaxe, así como Ruth Varela (Asoc. cultural Flor de Santiago), como coimpulsora da iniciativa.
Sitopías é un ciclo de debates de carácter multidisciplinar que, dende a arquitectura, ten como obxectivo abordar a importancia dos sistemas alimentarios de proximidade para a saúde do territorio e para a saúde humana, así como a importancia de recuperar e protexer un dos patrimonios máis valiosos de Galicia que é o seu metabolismo social tradicional. Isto implica impulsar e revalorizar a produción de proximidade e os mercados de abastos e, asemade, desenvolver as infraestruturas locais complementarias e novos enfoques de planeamento que son necesarios para este fin.
