La Casa Invisible 2022

O mércores, 19 de outubro, inaugúrase o nuevo ciclo de conferencias «A Casa Invisible» que se organiza desde a delegación de Santiago do Colexio de Arquitectos. Do mesmo xeito que na edición anterior, este ciclo celébrase en colaboración co “Cluster Saúde de Galicia” e, nesta edición, colaboran a “Agrupación industrial da Madeira e o Deseño de Galicia” e a “Escola de Arquitectura da Coruña”.

Nesta primeira xornada continuamos co ciclo sobre “Arquitectura e Saúde” no que se tratan aspectos non visibles das vivendas que teñen que ver coa saúde e o benestar a través de dúas conferencias nas que os relatores serán Pedro de Chairo, arquitecto da nosa delegación, e José Antonio Corraliza, catedrático de Psicoloxía.

A partir das 16:30, José Antonio Corraliza explicaranos a vinculación da nosa experiencia no espazo a través da psicoloxía ambiental a través dun relatorio titulado «Contornas, memoria ambiental e benestar humano». Desde o enfoque da Psicoloxía Ambiental, ofrécense algunhas claves para explicar o papel da contorna no benestar humano, incidindo na necesidade de deseñar espazos que proporcionen un óptimo nivel de estimulación ambiental. Neste sentido, exponse a necesidade de recuperar claves relacionadas coa experiencia pasada e presente dos lugares e a necesidade de analizar a memoria ambiental e a nostalxia dos lugares perdidos.

A partir das 18:30, na segunda sesión, Pedro de Llano  Cabado falaranos sobre Arquitectura Popular e a súa vinculación coa Arquitectura Contemporánea a través dun relatorio co título de «Compañeiros de Oficio» na que tratará o papel da arquitectura popular na historia da arquitectura.