Presentación da publicación “BOCELO. Crónica de un tiempo olvidado” que recupera a figura do coruñés Pedro de Llano López, unha das figuras craves do xornalismo galego do século XX. Co pseudónimo de Bocelo, dirixiu A Voz de Galicia, levándoa entre os anos cincuenta e sesenta de ser un diario modesto a ser a cabecera máis prestixiosa de Galicia e un dos referentes ata hoxe do xornalismo rexional en España. Logo de abandonar A Voz estivo a cargo do Ideal Galego e do Progreso de Lugo, onde pechou unha longa carreira de medio século que arrincou na negra noite da guerra e terminou co novo amencer da democracia.
Estirando no posible os límites da censura do réxime franquista, Bocelo sempre promoveu as liberdades e o progreso nos seus enfoques editoriais e nas súas columnas. Este libro é un percorrido pola súa vida e os seus artigos, cheos de humor, tenrura e solidariedade, e á vez unha mirada a un capítulo da historia de España a través dos ollos dun xornalista galego.
Intervirán, entre outros, os profesores da ETSAC Pedro de Llano e Cristóbal Crespo.
Cando: venres, 21 de xuño de 2019, ás 20:00h
Onde: Sporting Club Casino da Coruña, Rúa Real
