AVISO IMPORTANTE: Extinción de dereito a exame das materias de segundo curso do Grao en Arquitectura

Á atención dos alumnos matriculados en materias de segundo curso do Grao en Arquitectura (Bolonia 1)
Lembrámosvos que, segundo o establecido no Plano de Estudos vixente, o actual curso académico 2017/18 é o último no que as materias do segundo curso teñen dereito a exame.
Isto supón que, para o alumnado que non supere algunha das materias do segundo curso nas oportunidades do curso 2017/18, de acordo coa normativa vixente, o cambio á nova estrutura de titulacións que conducen ao exercicio da profesión regulada de Arquitecto (isto é, Grao en Estudos de Arquitectura – Bolonia 2)  será a única opción para a finalización de estudos.
Ante calqueira dúbida sobre esta información, están á vosa disposición a xefatura de estudos e a administración do centro.
Un saúdo,
A dirección da ETSAC