A cuarta edición do Joint estase a celebrar este ano na cidade chinesa de Hohhot, sede da Escola de Arquitectura da Inner Mongolia University of Technology, IMUT.
Tres delegacións da ETSAC-UDC da Coruña (Galicia-España), o HIT de Harbin (China) e o recén incorporado IMUT de Hohhot (China) desenvolverán un proxecto conxunto no emprazamento histórico do Zhaojun Tomb Park na capital da Mongolia Interior.
Quince estudantes e os seus profesores de Proxectos 10, Jesús Irisarri e Emilio Rodríguez, forman parte do equipo da nosa escola que permanecerá en China durante dúas semanas.
As tres delegacións coincidirán na ETSAC durante o xurado do Joint que se celebrará no vindeiro mes de xuño.
Queremos agradecer ao IMUT a boa acollida que nos está a brindar. Xie xie.
