Publicación do libro da profesora da ETSAC Luz Paz Agras: “EXPLORAR OS LÍMITES. Arte e arquitectura nas exposicións das vangardas”.
O libro foi prologado polo director da ETSAC, Fernando Agrasar, e editado en Buenos Aires por Diseño Editorial no 2015.
A través de propostas de autores como El Lissitzky, Moyoly-Nagy, Kiesler ou Duchamp, faise un percorrido polos achádegos arquitectónicos das súas experiencias expositivas, contaxiadas todas elas do ambiente de efervescencia creativa e de confianza plena na técnica e o progreso que se viviu no mundo occidental no periodo de entreguerras.
A profesora do Departamento de Composición forma parte do grupo de investigación GICAP.
