O pasado xoves día 16 de abril inaugurouse o ESPAZO DALDA na bibilioteca da ETSAC con máis de dous mil libros e documentos do seu arquivo persoal.
O acto foi unha sentida homenaxe ao noso compañeiro Juan Luís, de quen tanto temos aprendido.
Falaron o director da ETSAC Fernando Agrasar, o director do departamento de Proxectos e Urbanismo Felipe Peña, a directora da biblioteca Mayra Sanjuán, a viúva de Dalda e o seu fillo, Patricia Fernández e Max Dalda, a quen agradecemos o permiso para publicar o seu discurso. Que mellor que as súas palabras que nos falan con emoción dun Dalda pai, arquitecto e cidadán comprometido, para que as vindeiras xeracións de arquitectos teñan presente a súa pegada.
