Onte, día 12 de decembro de 2014, celebrouse o acto académico NOVOS ARQUITECTOS ETSAC 2014.
Abriu o acto a vicerreitora de Relacións Internacionais e Cooperación da UDC, Natalia Álvarez Lata, quen deu a palabra ao director da ETSAC, Fernando Agrasar. Despois de sendos discursos dirixidos aos novos arquitectos, procedeuse á entrega dos diplomas correspondentes.
A ETSAC desexa reunir aos alumnos egresados durante o último ano en torno a unha palestra de arquitectura. Nesta primeira edición foi o arquitecto catalán TONI GIRONÈS quen compartiu a súa interesante e singular visión do proceso arquitectónico, os materiais, o entorno, a vida…
Agradecemos a cooperación e axuda de HNA neste acto académico.
Máis imaxes: https://plus.google.com/photos/115876941193319637754/albums/6092029438359514849